8月12日更新 : 早前坊間流傳淘大商場三期1樓舖位會改由FRESH新鮮生活承租。現FRESH新鮮生活已公佈進駐1期，與百佳經營「TASTE x FRESH」聯乘超市。因此，預計三期舖位（TASTE舊舖）會落實開設DON DON DONKI。
－－－－－－－－－－
本文章綜合各方面資訊推測，未確實DONKI會否於淘大開設分店，或與最後官方公佈有所出入
早喺2021年初，網上討論區已經有人爆料DONKI將會喺九龍灣淘大花園開設九龍東嘅首間分店！呢個消息後來亦獲得一個當區居民Facebook Page確實。當然，呢啲並唔係官方消息，DONKI官方暫未公佈淘大分店嘅任何消息。但hklocation小編綜合網上消息、現場觀察嘅商戶搬遷／結業情況，認為DONKI非常可能喺淘大花園開設分店，而且分店更有條件24小時營業。
大約喺2021年5月份，淘大商場1期1樓，位於天仁茗茶附近嘅允記、Living PLAZA by AEON及吉野家相繼結業。Living PLAZA by AEON後來遷至同樓層斜對面嘅舖位，並改以全新品牌「DAISO JAPAN」營運，成為品牌香港首間分店。
而淘大商場3期1樓（即舊UA戲院及現時MCL戲院嘅樓上），原有嘅TASTE於2021年8月2日最後一日營業，8月尾搬遷至1期1樓（即上述允記、Living PLAZA by AEON及吉野家舖位）。由於舊址及新址未能順利銜接，TASTE於1期地下設置展銷場（即臨時超市）。相信淘大商場3期1樓原有TASTE舖位已經有新租客，需要趕及交還舖位畀發展商及下手租客，因此未能新舊TASTE未能銜接。相關租客預計就係「DON DON DONKI」。
而淘大商場3期嘅舖位面積相對1期似乎比較大，因此TASTE租用1期、DONKI租用3期就較為適合。所以先出現幾個舊商戶遷址「讓路」畀DONKI進駐嘅情況。而淘大商場3期有關位置似乎適合24小時營業，不過都要視乎DONKI會唔會咁做喇。
正如上文提及：淘大商場3期嘅TASTE於2021年8月2日最後一日營業，之後需要時間清場。再之後交還發展商及下手租客（預計為DONKI）裝修及申領所需嘅各類牌照。根據屯門分店於3月初圍板及標明為DONKI，最後於7月20日正式開張，預計DON DON DONKI淘大商場店最快要到2021年尾先會開張，甚至可能要去到2022年初。大家要密切留意喇！
DON DON DONKI淘大商場店（預計）
地址 : 牛頭角道77號淘大商場三期一樓F188-204號舖
營業時間 : 未知
銷售樓層面積 : 未知
開幕時間 : 預計2022年初
電話號碼 : NA
商場儲分 :
淘大商場3期1樓原有TASTE嘅結業及搬遷通知
本文章綜合各方面資訊推測，或與最後官方公佈有所出入