最新：將藍隧道現已通車，全新 290E 已投入服務，將軍澳工業邨及康城經跨灣大橋、將藍隧道往返荃灣西站，一至五工業邨開出07:25、07:45，荃灣西站開出17:25、17:45。牛池灣村／紅萼樓至荃灣西站一段路線與其他290系列路線相同。九巴來往荃灣西站及將軍澳嘅巴士線，總共有3條，分別係290、290A、290X（290系列）。佢哋各自之間有啲相同，有啲有唔同。
共通點
- 全程收費 : $11.7，並設有將軍澳區內$5.6分段收費
- 荃灣總站設於：荃灣西站（海之戀樓下）
- 由荃灣西站至彩雲邨一段行車路線，三線完全相同
290、290A都係以調景嶺彩明及荃灣西站為總站
290、290A路線
290及290A嘅將軍澳區總站都係位於調景嶺（彩明），各自都係20分鐘一班車，會輪流開出。2線分別在於喺四順及秀茂坪區嘅路線。290作為較快捷嘅路線，往荃灣方向停靠「寶達邨」後，就會不停站約8分鐘直達「彩雲邨白虹樓」。290A就會途經秀明道、順天、順安及順利邨並沿途設站上落客，需要大約20分鐘先去到白虹樓。其他路線，包括荃灣至彩雲邨，及寶達邨至調景嶺都係完全相同。由將軍澳或寶達邨來往荃灣嘅乘客，選擇290車程就會比較快捷喇！
只有290A會途經秀茂坪及順利邨，車程較慢（此站為順利邨利業樓）
290X路線
而290X喺安達及安泰邨落成後已經提升至全日服務，由荃灣開出至彩雲邨後，經安泰邨、安達邨前往康盛花園及翠林，不經寶達邨。途經翠林後，會經寶康路（停富麗花園、茵怡花園、香港單車館）直接前往尚德、調景嶺、將軍澳站，再前往康城（不入寶林邨、新都城、坑口一帶）。
提示：於290X茵怡花園巴士站落車，向前行半分鐘即達茵怡花園順豐，並可繼續前往新都城一或三期由於290X經安泰邨、安達邨路程較遠，因此由彩雲邨來往康盛花園及翠林，會較290線慢3-4分鐘，但依然比起290A快捷，但290X喺將軍澳區內直接前往尚德及調景嶺，290X對於嗰邊嘅乘客係會比起290快捷㗎！
車程比較
- 荃灣／葵芳往黃大仙、牛池灣、彩雲 : 290系列所有路線均可，車程一樣
- 荃灣／葵芳往寶達邨 : 290較快／290A慢／290X不經寶達
- 荃灣／葵芳往康盛花園／翠林 : 290較快／290X稍慢／290A最慢
- 荃灣／葵芳往尚德／調景嶺 : 290X最快／290稍慢／290A最慢
另外，九巴將軍澳區已經實施分段收費！無論290／290A／290X往荃灣方向都可以享受到區內$5.4優惠價，只要先上次嘟八達通畀$11.7，將軍澳區內（覆蓋範圍至馬游塘村站）落車後於巴士站拍卡，即可獲車費回贈，實收只需$5.6！詳情
往荃灣方向，於將軍澳區內落車，並於巴士站回贈機拍卡，實際只收$5.4
以上資料最後更新 : 2023年6月19日，圖片取自KMB Facebook